|
Loading...
Төлеген Тоқтаров туралы ән
ө. А. Тоқмағамбетов
ә. Б. Ерзакович
Тағынған тал бойына алтын алқа,
Сағынып Төлегенін Алтай, Арқа.
Ашады сүйіспендік жайып құшақ,
Дегендей: «Халқым сүйген келші, қалқа!»
Ай қаоқып, жұлдыз жүзі шығып шыңға,
Алтайды бөлегенде таңғы нұрға.
Айбыны Алтайдан да асып артқан,
Көз түсер алып тұлға, батыр тұлға!
Найзасын көкке тіреген,
Семсерін айға білеген.
Алтайдан туған алып ұл –
Бұл арыстан Төлеген.
Туған жер, өскен орта, байтақ дала,
Махаббат, ыстық жүрек құмарлана.
Сүйеді Төлегендей ер баласын,
Баулыған батырлыққа Отан-ана.
Баласын алып Алтай құшағына,
Сүйеді, жүрегіне қысады да.
Сырласып таң атқанша, бірге болып,
Таң атса, тау қалады, ол ұшады да.
Найзасын көкке тіреген,
Семсерін айға білеген.
Алтайдан туған алып ұл –
Бұл арыстан Төлеген.
Прочитано: 830
|
