|
Loading...
Сырласайық оңаша
ә. Әшірхан Телғозиевтікі
с. Нұрсұлтан Әлімқұловтікі
Біз барғанда әсем баққа – шалғынға,
Күлім қағып сен тұрушы ең алдымда.
Әлде терген гүлді ұмытып қалдың ба,
Әлде сені өкпелетіп алдым ба?!
Алғы күнге жол аша,
Сол бір баққа тамаша.
Келші тағы, қалқатай,
Сырласайық оңаша!
Түсінбедім, құрбым, өзің қандайсың,
Кейінгі күн көз қиығын салмайсың.
Кейінгі күн кілт өзгерді мінезің,
Әлде нәзік сезіміңді алдайсың.
Алғы күнге жол аша,
Сол бір баққа тамаша.
Келші тағы, қалқатай,
Сырласайық оңаша!
Сол бір кештер сырласатын таң аса,
Ұмытылмас кездер еді тамаша.
Тағы бізге куә болсын ай-жұлдыз,
Тағы келші, сырласайық оңаша.
Болашаққа жол аша,
Сол бір баққа тамаша.
Келші тағы, қалқатай,
Сырласайық оңаша!
Прочитано: 510
|
