|
Loading...
Сусамыр – елдің жайлауы
Халық әні
Айналайын, қарағым, хал жақсы ма,
Сала берме көзіңді әр жақсыға.
Сусамыр, елдің жайлауы,
Өмірдің бар ма байлауы.
Сала берсең көзіңді әр жақсыға,
Бәрі жақсы көрінер алғашқыда.
Сусамыр, елдің жайлауы,
Өмірдің бар ма байлауы.
Елдік деймін, ендеше елдік деймін,
Сұлу қызға жарасқан белдік деймін.
Сусамыр, елдің жайлауы,
Өмірдің бар ма байлауы.
Сырттай ғана өзіңді білуші едім,
Әдейі арнап аулыңа келдік деймін.
Сусамыр, елдің жайлауы,
Өмірдің бар ма байлауы.
Қара күрең асау-ай, кермегім-ай,
Еріккенде бағатын ермегім-ай.
Сусамыр, елдің жайлауы,
Өмірдің бар ма байлауы.
Қанша ауыл, қанша жер кезсем-дағы,
Сұлу жанды өзіңдей көрмедім-ай.
Сусамыр, елдің жайлауы,
Өмірдің бар ма байлауы.
Прочитано: 1010
|
