|
Loading...
Соғыстан соңгы ән
с. М.Әлімбаев
ә. Ә.Бейсеуов
Кербез күй қайда кешегі
Суық жел неге еседі
Қалтырап түзде қайыңдар
"Қалқашың қайда?"- деседі
Аяулым мәңгі сендікпін
Қара бұлт неге көшеді?!
Неге тұр бүгін жайнамай
Қызыл гүл қайда құлпыраған?
Неге отыр бұлбұл сайрамай
Неліктен тынды сүйкімді ән?!
Жүзімді көрер, айнам-ай
Ояншы, қане, ұйқыңнан!
Жауынгер құрбым, жан құрбым
Айқасқа бірге сен кірдің
Сескенбей оқтан сен барда
Жауымды естен тандырдым
Жүруші ең жебеп сен мені
Досыңды қайда қалдырдың?
Неге тұр бүгін жайнамай
Қызыл гүл қайда құлпыраған?
Неге отыр бұлбұл сайрамай
Неліктен тынды сүйкімді ән?!
Жүзімді көрер, айнам-ай
Ояншы, қане, ұйқыңнан!
Көтерген туын ерліктің
Қан майдан бітпей, сен біттің
Жеңістің күні келгенде
Махаббат тойын мен күттім
Ғұмыры арман әнімсің
Аяулым мәңгі сендікпін
Неге тұр бүгін жайнамай
Қызыл гүл қайда құлпыраған?
Неге отыр бұлбұл сайрамай
Неліктен тынды сүйкімді ән?!
Жүзімді көрер, айнам-ай
Ояншы, қане, ұйқыңнан!
Прочитано: 875
|
