Сағыныш

с. А.Байғожаев
ә. М.Маңғытаев

Гүл шоғы таң нұрымен ашылады
Арманым ақ тілегім асығады
Жанамын от боп лаулап сен дегенде
Қалауын жүрек қалай жасырады

Қызғалдақты белестегі
Терейік бір қалқажан
Бақыт ортақ емес пе еді
Қыз, жігітке әрқашан

Көктемнің алаулаған күндерінде
Аяулым желек атып гүлдедің бе?
Ән болып асқақтайды сағынышым
Жырақта жыл құсындай жүргенімде

Қызғалдақты белестегі
Терейік бір қалқажан
Бақыт ортақ емес пе еді
Қыз, жігітке әрқашан

Білемін жүрегіңде дастан барын
Жарастық екі жастың ашқан бағын
Махаббат бесігінде тербелейік
Ашайық адал сырды жасқанбағын

Қызғалдақты белестегі
Терейік бір қалқажан
Бақыт ортақ емес пе еді
Қыз, жігітке әрқашан
Прочитано: 710

Всего 0

Добавлять комментарии могут только зарегистрированные пользователи.
[ Регистрация | Вход ]

Хостинг от uCoz | По поводу рекламы - skype: ferox09

Скачать казахскую музыку, қазақша әндер