|
Loading...
Үмітім менің
с. Қ. Қазыбековтікі
ә. С. Қайырғалиевтікі
Көліне ұшқан аққу, қаздай көктегі,
Саған деген сағынышым бітпеді.
Сол бір жылдың бір кездескен көктемі
Мәңгілікке көз алдымнан кетпеді.
Өзің деп тілегім, соғады жүрегім,
Арманым болып сен ғана.
Ойдағы сезімсің, бақытым өзіңсің
Жалғанда маған бір ғана.
Гүлге қонған көбелектей айналып,
Жүрегіңнен бақытымды іздедім.
Арманымның қанатына байланып,
Өзіңнен мен үмітімді үзбедім.
Өзің деп тілегім, соғады жүрегім,
Арманым болып сен ғана.
Ойдағы сезімсің, бақытым өзіңсің
Жалғанда маған бір ғана.
Құзға шыққан жалғыз ғана шынардай
Алдың билеп қиялымды өзіңе.
Анам таққан мойнымдағы тұмардай
Сонша ыстық көрінесің көзіме.
Өзің деп тілегім, соғады жүрегім,
Арманым болып сен ғана.
Ойдағы сезімсің, бақытым өзіңсің
Жалғанда маған бір ғана.
Прочитано: 990
|
