|
Loading...
Өмір, қымбатсың маған
с. Т. Молдағалиевтікі
ә. Ж. Заманбековтікі
Ақ шашты кейде атадан қорқам,
Өзім де сондай боламын-ау деп.
Мүрделер жатқан жотадан қорқам,
Бір күні сонда қаламын-ау деп.
Сықырлаған таяқтан қорқам,
Оны да қолға аламын-ау деп.
Тықылдаған сағаттан қорқам,
Бір күні тоқтап қаламын-ау деп.
Лап етіп өшкен сезімнен қорқам,
Түбіме бір күн жетесің-ау деп.
Күлімдеген көзімнен қорқам,
Оның да оты өшесің-ау деп.
Ақ жүзге түскен әжімнен қорқам,
Бетіме бір күн көшесің-ау деп.
Бәрінен кейде өзімнен қорқам,
Көп күнім бекер өтесің-ау деп.
Кетесің-ау деп.
Прочитано: 1182
|
