|
Loading...
Өмір-ай
с. Мұқағали Мақатаевтікі
ә. Кеңес Дүйсекеевтікі
Үзіліп түскен алмадай
Үзіліп көңіл қалғаны-ай!
Арыма басқан таңбадай
Арылмай қойды-ау дау-дамай!
Тасыған көңіл арнадай
Таусылып бүгін қалғаны-ай!
Қиылып қалған құрақты
Қиын да болар жалғау-ай!
Шоқтанып жанған көгімде
Шолпаным бар ғой менің де.
Жолдассыз, доссыз, тегінде,
Өткерген өмір өмір ме?!
Тасыған көңіл арнадай
Таусылып бүгін қалғаны-ай!
Қиылып қалған құрақты
Қиын да болар жалғау-ай!
Осы да жақсы, кім білсін,
Өкініш, ынсап бір жүрсін.
Алайда доссыз өткерген
Күн құрсын, бауырым, күн құрсын!
Тасыған көңіл арнадай
Таусылып бүгін қалғаны-ай!
Қиылып қалған құрақты
Қиын да болар жалғау-ай!
Прочитано: 827
|
