|
Loading...
Әйтеуір, сол қыз – бір сұлу
ә. Сыдық Мұхамеджановтікі
с. Қуандық Шаңғытбаевтікі
Білмеймін, Ақтөбе ме, Ақмола ма,
Бір сұлу маған бір күн тап бола ма?
Қыз таңдап ел қыдырып жүргенімде,
Шынымен, маған солай бақ қона ма?
Айсұлу әлде Нұрсұлу,
Жансұлу әлде Күнсұлу.
Атын білмей қор болдым.
Әйтеуір, сол қыз – бір сұлу.
Білмеймін, диқан ба екен, малшы ма екен,
Әлде бір алма мойын әнші ме екен.
Тапқанша сол сұлуды, кең Арқаның
Аралап барлық жолын таусып өтем.
Айсұлу әлде Нұрсұлу,
Жансұлу әлде Күнсұлу.
Атын білмей қор болдым.
Әйтеуір, сол қыз – бір сұлу.
Білмеймін, аққұба ма, қара ма екен,
Мейірім бір көргенде қана ма екен?
Ел кезіп, аудан қоймай жүргенімде,
Япыр-ай, қай ауылдан табар екем?
Айсұлу әлде Нұрсұлу,
Жансұлу әлде Күнсұлу.
Атын білмей қор болдым.
Әйтеуір, сол қыз – бір сұлу.
Прочитано: 796
|
