|
Loading...
Дедімай-ау
Халық әні
Айналайын, ақ жүзің, айдан әппақ, дедімай-ау.
Көрген адам қасыңнан кете алмайды,
Мұз үстінде жүргендей тайғанақтап, дедімай-ау.
Алма ағаштың гүліндей-ау,
Текеметтің түріндей-ау.
Өтіп дәурен бара жатыр,
Сіз бен бізге білінбей-ау.
Құлағыңа таққаның күміс сырға,
Күмбірлетіп шығасың күнде қырға, дедімай-ау.
Сағыныштан сарғайып шыдам таппай,
Мен өзіңді қосамын ән мен жырға, дедімай-ау.
Алма ағаштың гүліндей-ау,
Текеметтің түріндей-ау.
Өтіп дәурен бара жатыр,
Сіз бен бізге білінбей-ау.
Прочитано: 1033
|
