|
Loading...
Қалқам-ай
с. Қ.Ыдырысов
ә. Н.Меңдіғалиев
Қалқам-ай, кеше ғана бала емес пе ең
Қос өрім бұрымыңды тарап өскен
Асылып аға алдында еркелеген
Базарлы бал қылығың қала ма естен?
Қуанып, қараймын
Қалқашым, арайлым
Қол жетпес күні бол
Қол жетпес күні бол талайдың
Көркіңе бүгін, міне, жұрт телміріп
Қарайлай қарай қапты көп-көп жігіт
Жарқ еткен жанарыңнан жалын көрдім
Сол от қой шарпып жеткен, өртендіріп
Қуанып, қараймын
Қалқашым, арайлым
Қол жетпес күні бол
Қол жетпес күні бол талайдың
Осылай тік қараған жақсы, жаным
Қарай бер, жанарыңнан атсын жалын
"Мықтылар" жалыныңа төзіп көрсін
"Нашарлар" әлін біліп, бақсын жанын
Қуанып, қараймын
Қалқашым, арайлым
Қол жетпес күні бол
Қол жетпес күні бол талайдың
Прочитано: 492
|
