|
Loading...
Алыстап кетіпті сол күндер
с. Ш. Әлдибекұлынікі
ә. Х. Қожахметовтікі
Жанымның жайқалып гүл бағы,
Сылдырап ағатын бұлағы.
Ақ самал аялай ескенде,
Қияға самғайтын қиялым.
Жандардай мейірге шөлдеген,
Сағыныш жүректі меңдеген.
Алыстап кетіпті-ау сол күндер,
Сағымдай жырақта көлбеген.
Есте қап бақытты шақтарым,
Көмескі тартыпты оттарым.
Тағдыр да кінәлі бәріне,
Сарғайып қалыпты бақтарым.
Жандардай мейірге шөлдеген,
Сағыныш жүректі меңдеген.
Алыстап кетіпті-ау сол күндер,
Сағымдай жырақта көлбеген.
Қайда екен сол бақытым қолдағы,
Көл-көсір шаттығым сондағы.
Көп уақыт өтіпті тоңғалы,
Өзіңнен көз жазып қалғалы.
Жандардай мейірге шөлдеген,
Сағыныш жүректі меңдеген.
Алыстап кетіпті-ау сол күндер,
Сағымдай жырақта көлбеген.
Прочитано: 465
|
